“…..ወቅቱ እ.ኤ.አ 1986 ላይ ነው! የአሜሪካ ደህንነት ተቋም የሆነው “CIA” ከሰሜን አፍሪካዋ ሃገር ሊብያ ከሳተላይት እና ኤሌክትሮኒክ ሰርቪላንስ የሚሰበሰቡ የተለያዩ ሚስጥራዊ መልእክቶችን እየቃረመ ነው። ከነዚህ ሚስጥራዊ መልእክቶች ውስጥ ለአሜሪካ የደህንነት ስጋት የሚሆን ነገር ከተገኘ ይመረመራል። የዛን ቀን “CIA” 397 የተለያዩ ሚስጥራዊ መልእክቶችን አዳምጦ ምንም የደህንነት ስጋት የሚሆን ነገር አላገኘም! ነገር ግን ጠልፈው ከሚሰሟቸው መልእክቶች ውስጥ 398ኛው መልእክት ለአሜሪካ ደህንነት ቀጥተኛ ስጋት ሆኖ ተገኘ። መልእክቱ “…stand by and be ready to attack American targets and Execute the plan…” የሚል ነበር! ይህ መልዕክት የደህንነት ተቋሙ ውስጥ ከፍተኛ ድንጋጤን ፈጠረ።

ከሊቢያ ተጠልፎ የተሰማው መልእክት “Muammar Gaddafi” ከሚመራው መንግስት እንደሆነ ማወቅ ቢችሉም ጥቃት እንዲደርስባቸው የተባሉት አሜሪካውያን የት እና መቼ እንደሆነ ግን ማወቅ አልተቻለም። ማጣራታቸውን ቀጠሉ! የዛኑ ቀን የሊብያ የደህንነት ተቋም ጀርመን ከሚገኘው የሊብያ ኤምባሲን ጋር መልእክት እንደተለዋወጠ እና ጀርመን የሚገኘው የሊብያ ኤምባሲ ለሊብያ የደህንነት ተቋም “Tripoli will be happy when you see the headlines tomorrow!” የሚል መልእክት እንደላከ ደረሱበት! በመጨረሻም ጥቃቱ ጀርመን ውስጥ የሚገኙ አሜሪካውያን ላይ ሊፈፀም እንደታሰበ አረጋገጡ። ጥቃቱን ግን ለማስቆም በቂ ግዜ አልነበራቸውም! የዛን ቀን ምሽት አንዲት የጀርመን ከተማ ውስጥ አሜሪካውያን የሚያዘወትሩት መሸታ ቤት አንዲት ሴት በሻንጣዋ ውስጥ ቦንቦች ይዛ የመሸታ ቤቱ ሶፋ ላይ አስቀምጣው ሄደች! ከጥቂት ደቂቃዎች በኃላ ቦንቡ ፈንድቶ 230 ሰዎች ሲቆስሉ ሁለት የአሜሪካ ወታደሮች ደግሞ ህይወታቸው አለፈ! “CIA” እና የአሜሪካው ፕሬዝዳንት “Ronald Reagan” ከዛን ግዜ በኃላ ጋዳፊ መወገድ እንዳለበት ወሰኑ! የወቅቱ የ “CIA” ዳይሬክተር የነበረው “William Casey” ጋዳፊን በምን አይነት መንገድ ማስወገድ እንደሚቻል ሃሳብ አቀረበ! ጋዳፊን መግደል ቀላል አይደለም! ብዙ ሺህ በተጠንቀቅ የሚጠብቁት ጥበቃዎች አሉት! ከዚህ በተጨማሪ 40 እጅግ የሰለጠኑ ድንግል ሴት የግል ጥበቃዎቹ አሉ! ሊቢያ ሙሉ በሙሉ በእርሱ ቁጥጥር ስር ናት! “CIA” በወቅቱ ሊብያ ውስጥ ጋዳፊን ለማስገደል ሊጠቀምባቸው የሚችላቸው ኤጀንቶች የሉትም! “CIA” ጋዳፊን በቀጥታ መግደል ቢፈልግም በአሜሪካ ህግ ፖለቲካዊ ግድያ(political assassination) መፈፀም ተከልክሏል። የነበረው አማራጭ የአየር ጥቃት በአሳቻ ሰአት መፈፀም ነበር! የሊብያ መንግስት የሽብር ጥቃቶች እንዲፈፀሙ ትዕዛዝ የሚሰጥበትን ቦታ ለማጥቃት አሜሪካ ወሰነች! ነገር ግን “…የሽብር ጥቃት እንዲፈፀም ትዕዛዝ ይሰጥበታል…” የተባለው ቦታ የጋዳፊ መኖርያ ቤት ነው! የአሜሪካ ግብ በቀጥታ ጋዳፊን ከመግደል ይልቅ የጋዳፊን ቤት “የሽብር ጥቃት የሚቀነባበርበት ቦታ” የሚል ስያሜ በመስጠት የአየር ላይ ድብደባ አድርጎ በሂደቱ ጋዳፊን መግደል ነው!
ከዛስ?

“CIA” በዚህ ቀመር ውስጥ አንድ ፈተና ገጠመው! በጥቃቱ ጋዳፊን ለመግደል ጋዳፊ በመኖርያ ቤቱ ውስጥ የሚኖርበትን ሰዓት ማወቅ አስፈላጊ ነበር።ይህንን ማወቅ ግን አስቸጋሪ ነው! ከዛም “CIA” ወደ እስራኤሉ የስለላ ድርጅት ሞሳድ ሄደ! የሞሳድ ሰላዮች ጋዳፊ በመኖርያ ቤቱ የሚገኝበትን ትክክለኛ ሰዓት ሰላዮቻቸውን በአካል በመላክ አጣሩላቸው! ከዛም አሜሪካ በተባለችው ሰዓት ሁለት የጦር ጀቶችን ልካ ጋዳፊ ይገኝበታል በተባለው ሰዓት መኖርያ ቤቱ ላይ ቦንቦችን አዝንባ ተሰወረች! አሜሪካ በጥቃቱ ጋዳፊ እንደሚሞት እርግጠኛ ሆና ሰበር ዜናን ትጠባበቃለች! ከቀናት በኃላ ግን ኮሎኔል ጋዳፊ አንዲት ቦታ ሳይጫር በሃገሪቱ ብሄራዊ ቴሌቪዥን ጣብያ በቦንብ ጥቃቱ የተጎዱ ሊብያውያንን ሆስፒታል ሄዶ ሲጎበኝ ታየ!

ያኔ የ “CIA” ጋዳፊን በቀላሉ ማስወገድ እንደማይቻል ተረዳ! ሁለተኛውን አማራጭ መጠቀም እንደሚገባም አመነ! ሁለተኛው አማራጭ “…ጋዳፊን የሚቃወሙ ሊብያ ውስጥ የሚገኙ አማፅያንን ወይም ተቃዋሚዎችን በሁሉም ዘርፍ መርዳት ወይ ደግሞ ህዝቡ የሃገሪቱ መንግስት ላይ ከዳር እስከ ዳር እንዲያምፅ ማድረግ…” የሚል ነበር! አሜሪካ የተለያዩ አማፅያንን ማሰልጠን እና ማስታጠቅ ጀመረች! ነገር ግን እነዚህን የተለያዩ አማፅያን አንድ ላይ አቀናጅቶ የጋዳፊን መንግስት የሚጥል መሪ እንደሚያስፈልግ “CIA” ተረዳ! ከብዙ ጥናት በኃላ አንድ ሰው ተገኘ! የተገኘው ሰው ኮሎኔን “Khalifa Haftar” ይባላል! ይህ ሰው በአንድ ወቅት ጋዳፊ ወደ ስልጣን ሲመጣ አብሮት የነበረ ታማኝ የጦር መሪ እና አገልጋዩ ነበር! ጋዳፊ ስልጣን ላይ በነበረበት ወቅት ሊብያ ከጎረቤት ሃገር “Chad” ጋር ጦርነት ውስጥ ስትገባ የሊብያን ጦር የመራውም ይህ ሰው ነበር! እንደ አጋጣሚ ታድያ ይህ ኮሎኔል በጦርነቱ ወቅት በ “Chad” ወታደሮች ተማርኮ ይታሰራል! ጋዳፊ የጦር መሪው “Khalifa Haftar” እንዲፈታ ጥረት ከማድረግ ይልቅ እስከመፈጠሩ ጭራሽ ረሳው! “Khalifa Haftar”ም ለ 7 ዓመታት በ ” Chad” መንግስት ታሰረ! ይህ መረጃ ያለው “CIA” የ “Chad” ፕሬዝዳንት ጋር ደውሎ “Khalifa Haftar”ን እስር ቤት ሄዶ ሁለት አማራጮችን እንዲሰጡት አደረገ!

አማራጭ አንድ፡ እዚሁ እስር ቤት በስብሰህ እና የጦር ምርኮኛ ሆነህ ትሞታለህ? ወይስ
አማራጭ ሁለት፡ እንደዛ በታማኝነት ያገለገልከው የሃገርህ መሪ ጋዳፊ ከድቶኻል! እስከ መፈጠርህም አላስታወሰህም! እንደውም በመማረክህ በሽቋል! ስለዚህ ከእስር እንፍታህ! አሜሪካዊ ዜግነት እንስጥህ! ከ “CIA” ጋር አብረህ ስራ! የተበታተኑትን አማፅያን አድራጅተህ “Libyan National Army” የሚባል ጦር እዚሁ “Chad” ውስጥ አቋቁም! “CIA” በጦርም፣ በመሳርያም፣ በታክቲክም፣ በሃሳብም.. በሁሉም ነገር ይረዳኻል!
Guess what?
ኮሎኔል “Khalifa Haftar” ሁለተኛውም አማራጭ ተቀበለ! “CIA” “Khalifa Haftar”ን እና አማፅያኑን ጎረቤት ሃገር “Chad” ውስጥ አየረዳ እና እያሰለጠነ አቆያቸው!
ነገር ግን ያልታሰበ ነገር በመሃል ተፈጠረ!
በአሜሪካ መንግስት ይደገፍ የነበረው የ “Chad” መንግስት ላይ መፈንቅለ መንግስት ተደረገ! መፈንቅለ መንግስት መደረጉ ችግር አልነበረውም! ነገር ግን በመፈንቅለ መንግስቱ ስልጣን የያዘው አካል የአሜሪካ አጋር ስላልነበረ “CIA” ጋዳፊን ለመጣል “Chad” ውስጥ የሚደግፋቸው እና የሚያሰለጥናቸው አማፅያን (Khalifa Haftar)ን ጨምሮ ከ “Chad” እንዲወጡ አዲሱ የ “chad” መንግስት አዘዘ!
ጌታዬ! “CIA” ምን እንዳደረገ ታውቃለህ?
“Khalifa Haftar”ን ጨምሮ አብረውት የነበሩ 300 አማፅያንን በናይጄሪያ፣ ዛየር እና ኬንያ በኩል አድርጎ ወደ አሜሪካ ወሰዳቸው! ከዛም ኮሎኔሉን ጨምሮ እነዚህን 300 የሚደርሱ ሊብያዊ አማፅያኖች የ “CIA” ዋና መቀመጫ የሆነችው “Virginia” ውስጥ መኖርያ ቤት ተሰጥቷቸው ለግዜው እንዲቆዩ አደረጉ!
ከአመታቶች በኃላ!
እ.ኤ.አ 2011 ላይ የአረቡ ዓለም ተቃውሞ(Arab spring) ተቀሰቀሰ! ቱኒዝያ፣ ግብፅ እና ሊብያ ከፍተኛ የህዝብ ተቃውሞ ተነሳ! ይህንን አጋጣሚ ለ 30 ዓመታት ጓጉታ ስትጠብቅ የነበረችው አሜሪካ “Khalifa Haftar” እና አማፅያኑን ወደ ሊብያ በማስገባት አመፅ እና ጦርነቱ እንዲፋፋም አደረገች! ጋዳፊም በአማፅያዩ የተከፈተበትን ጦርነት ለማክሸፍ ከልክ በላይ እርምጃዎችን መውሰድ ጀመረ። በዚህ መሃል የቀድሞው የአሜሪካ ፕሬዝዳንት “Barack Obama” ከ “NATO” ጋር በመቀናጀት የአየር ላይ ጥቃቶችን ሊብያ ላይ ይፈፅም ጀመር! አማፅያኖቹ ከአሜሪካ በሚያገኙት ድጋፍ ምስራቅ ሊብያን መቆጣጠር ቻሉ! አባዬ! “Khalifa Haftar” በመሬት ይዋጋል፣ አሜሪካ በሰማይ ታግዘዋለች! ከስድስት ወራት ጦርነት በኃላ የሊብያ ዋና ከተማ በአማፅያኑ ቁጥጥር ስር ወደቀች! ጋዳፊ እና ልጆቹ ተደበቁ! አማፅያኑ እና “CIA” ተቀናጅተው ጋዳፊን ከተደበቀበት ለማግኘት አሰሳቸውን ቀጠሉ! በመጨረሻም “NATO” ጋዳፊ የሳተላይት ስልክ ተጠቅሞ የደወለበትን የስልክ መስመር መጥለፍ ቻለ! ከዛም ለማምለጥ ጋዳፊ ሲጓዝበት የነበረውን የጭነት መኪና በድሮን አሜሪካ “Las vegas” ላይ ቁጭ ብለው አጋዩት!
እ.ኤ.አ October, 20,2011 ላይ “sirte” በምትባል ከተማ አማፅያኑ ለ 42 ዓመታት ሊብያን የመራውን መሪያቸውን መሬት ለመሬት እየጎተቱ፣ እየተሳለቁ፣ ፎቶ እየተነሱ፣ ፀጉሩን እየነጩ እና እያሰቃዩ ገደሉት!
አለቀ!
ምዕራባዊያኑ እንዲህ ይሉታል!
“Muammar Gaddafi” አንባገነን ነው፣ ጨቋኝ ነው፣ ሌባ ነው፣ ገዳይ ነው፣ አፋኝ ነው፣ ደፋሪ ነው፣ ሽብርተኛ ነው፣ ሽብርተኞችን ደጋፊ ነው ፣ ጠላቶቹን ይገድላል፣ ተቃዋሚዎች ያስራል፣ ሲፈልግ እንዲሰወሩ ያደርጋል፣ የሱ ቢጤ ጨፍላቂዎቹን የአፍሪካ መሪዎች (ኤዲያሚን ዳዳን፣ ኢሳያስን፣ ሙጋቤን እና መንግስቱን) ይደግፋል!
የቀድሞው የአሜሪካ ፕሬዘዳንት “Ronald Reagan” ጋዳፊን “The mad dog of the middle east(የመካከለኛው ምስራቅ እብድ ውሻ)” እያለ ይጠራዋል!
ግን…ግን
“Muammar Gaddafi” በምዕራባዊያኑ እና በሃገሪቱ ጥቂት ሃብታሞች ተይዘው የነበሩ የእርሻ መሬቶችን ለደሃው የሰጠ፣ ወደ ስልጣን ከመምጣቱ በፊት 10% የነበረውን የሃገሪቱን የተማረ ህዝብ ወደ 88% ያሳደገ፣ “United States of Africa” የምትባል ጠንካራ እና የራሷ መከላከያ ሰራዊት ያላት አፍሪካን መፍጠር የሚፈልግ፣ አፍሪካውያን አንድ ወጥ ፓስፖርት እንዲኖራቸው የሚሻ እና አህጉሪቱ አንድ የጋራ የመገበያያ ገንዘብ እንዲኖራት የሚፈልግ ሰው ነበር!
“Muammar Gaddafi” ሃገሩ ሊብያ ያላትን የነዳጅ ሃብት በአግባቡ እንድትጠቀም ያደረገ፣ በዚህም ስልጣን ሲይዝ እ.ኤ.አ 1969 ላይ ደሃ የነበረው የሊብያ ህዝብ በአፍሪካ ቁጥር አንድ ሃብታም ህዝብ እንዲሆን ያደረገ እና የሃገሪቱ “GDP” ከ 42 ዓመት በፊት ከነበረው ጋር ሲነፃፀር በ 600% እንዲያድግ ያደረገ መሪ ነበር!
እሱ ብቻ አይደለም!
ሊብያውያን በአፍሪካ ትልቁ የነብስ ወከፍ ገቢ የነበራቸው በእርሱ የስልጣን ግዜ ነበር! ጌታዬ! ሊቢያ በእርሱ የስልጣን ግዜ 0% እዳ ያለባት ሃገር ነበረች!
ሰውየው “Regional African satellite communication organization” ለሚባል ተቋም 300 ሚልዮን ዶላር በመስጠት ከአውሮፓ የሳተላይት ጥገኝነት አፍሪካ እንድትላቀቅ የሚያልም ሰው ነበር! አንዳንድ ደሃ የአፍሪካ ሃገራት የአፍሪካ ህብረት አባልነት መዋጮን መሸፈን ሲያቅታቸው ጋዳፊ መዋጮአቸውን ሳይቀር ይሸፍን ነበር!
“Muammar Gaddafi” አፍሪካ የራሷ “African Monetary Fund” የሚባል ተቋም እንዲኖራትም ይፈልግ ነበር!
“Gaddafi” የዶላር እና የይሮን የበላይነት ለማስቀረት የወርቅ ዲናሮችን አትሞ አፍሪካ እና የዓረቡ ዓለም በነዚህ የወርቅ ዲናሮች እንዲገበያይ ሳይቀር ይወጥን ነበር!
“Gaddafi” የሃገሪቱ የነዳጅ ሃብት “privatize” ተደርጎ እያንዳንዱ የሃገሪቱ ዜጋ የዚህ ነዳጅ ሃብት ባለቤት እንዲሆን የማድረግ ስራን ይሰራም ነበር! ለአዳዲስ ሙሽሮች 50 ሺህ ዶላር ቤት ለመግዣ እና መቋቋሚያ እንዲሆን በስጦታ መልክ ይሰጥ ነበር የሚባለው ጋዳፊ ምዕራባዊያኑ ሳይቀር በማይክዱት መልኩ ሃገሩን ድብን አድርጎ አሳድጓል!
ምን ዋጋ አለው ጌታዬ?
የቀድሞው የአሜሪካ ፕሬዘዳንት “Donald J. Trump” እንዲህ ይላል!
“…ዓለማችን ጋዳፊ እና ሳዳም ስልጣን ላይ ቢቆዩ ኖሮ ይሄንን ያህል ውጥንቅጥ ውስጥ አትገባም ነበር! ይህ ሁሉ ውጥንቅጥ እንዲፈጠር ያደረጉት ደግሞ የቀድሞው የአሜሪካ ፕሬዘዳንት ባራክ ኦባማ እና ሴጣኗ ሂላሪ ክሊንተን ናቸው! ጋዳፊ እና ሳዳም ጥሩ ሰዎች ናቸው እያልኩ አይደለም! ነገር ግን ስልጣን ላይ እንዲቆዩ ብናደርግ ኖሮ አሁን ላይ ለዚህ ሁሉ ጣጣ አንዳረግም ነበር!…”
እ.ኤ.አ 2016 ላይ የቀድሞው የአሜሪካ ፕሬዘዳንት “Barack Obama” አሜሪካ ጋዳፊን ከስልጣን ለማንሳት የከፈተችው ጦርነት በፕሬዝዳንትነት ግዜው ከሚፀፀትባቸው ውሳኔዎቹ ውስጥ አንደኛው እንደሆነ ተናግሮ አምኗል!
“Muammar Gaddafi” የገዛ ዜጎቹ መሬት ለመሬት እየጎተቱ ሲደበድቡት እና ሲሳለቁበት የጠየቃቸው እንዲህ ብሎ ነበር!
“What did i do to you?”(ምን አደረኳችሁ?)