መመልመያ ቦታዎቹ የህቡእ በርጫ ማረፊያዎች፡ እስር ቤቶች፡ ቨርቹዋል ደኖች ናቸው። ድል አውሪን አተኩሮ ላየው ይሄን ሁሉ ለመስራት የሚያስችል ብሩህነት እንዳለው ያስታውቃል። ካላዩት ግን በጫት የነበዘ፡ የመንገድ ቋንቋ የሚናገርና እዚህ ግባ የማይባል ሰው ነው።

ድብቅ ስራውን ለማኪያሄድ እንዲረዳው የሚጠቀምበት ስሙ ‘ጉልባን’ ይባላል። ጉልባን መባሉን የሚያውቀው ነቢያት ብቻ ነው። ስሙን የወሰደው ‘ጉልባን’ ከተባለ ከራሱ ዝነኛ ግጥም ነው። የ ትን አባል ከመሆኑ በፊት ለከተማው ብቸኛ ፓይሬት ሬድዮ አንዳንድ ግጥሞቹን ሲልክ በዚህ ስም ነበር። የመጀመሪያው የታወቀበት ግጥሙ ይሄ ነው።

አንቺ ስንዴ ነሽ እኔ ባቄላ
ተጣጠቢና እንበላላ

***
‘ጉልባን’ የተባለው የምግብ አይነት ከኦርቶዶክስ ተዋህዶ ሀይማኖት ጋር የነበረው ቁርኝት ተላቆ፡ ስርአቱ ተዘርፎ፡ በቆርቆሮና በብልቃጥ እየታሸገ መሸጥ ከጀመረም በኋላ ስሙ አልተለወጠም። በ2060 አካባቢ ድል አውሪ ይሄን ግጥም በጻፈበት ሰሞን የወንድ ሀፍረት ‘ቄላ’ የሴት ሀፍረት ‘ስዴ’ ይባሉ ነበር። ድል አውሪ ‘ጉልባናችንን መልሱ!’ በተባለ መፈክር ዙርያ በሬድዮ ተቃውሞውን ይሰብክ ነበር።

***
ይወስዳል መንገድ፡ ያመጣል መንገድ