እስቲ ስለ ራስህ ትንሽ ንገረኝ ባልሽኝ መሰረት ራሴን በትህትና እንደሚከተለው አስተዋውቃለሁ🙂
አነጋገሬ የሰለጠነ
አረማመዴ የተመጠነ
ስደሰት ፊቴ :የግዚሀር ባውዛ
ስስም ከንፈሬ : ያበባ ጤዛ!!
ካለት ያወጋሁ
ከንብ የተጋሁ
እንደ ዘንገና : ውሃ የረጋሁ
ከጎህ ቀድሜ : ባይንሽ የነጋሁ።
ባስብ በመላ-ብናገር እውነት
ባቅፍሽ ክንዶቼ -የሃር መቀነት።
ጣትሽ ደባብሶኝ : ጥፍርሽ ቢበጣኝ
ዘቢብ ነው እንጂ :መች ደም ሊወጣኝ።
ለምድር ቢቀርብ- ቁመቴ ቢያጥር
በጎልያድ ግንባር- የማነጣጥር
ልቤ በጣቱ -ሰማይ ሚነካ
ከነራስ ደጀን- ከንጦጦ የካ
ቁመት በኩራት- የሚለካካ
ብትደገፊኝ -የላባ ፍራሽ
ብትመገቢኝ- የመና ቁራሽ።
እንኳን በጃኖ: እንኳን በሱፉ
እንደ ቁጥቋጦው : ልክ እንደዛፉ
ቅጠል ለብሼ :የምሽቀረቀር
የተለጋ ልብ: ቀልቤ ማስቀር
ያንቺው በረኛ
ያንቺው ቁንን ነኝ :ያንቺው ጉረኛ።
