እና፥በእዚህ፡አስደናቂ፡ጎዞ፡ወቅት፡ነው፥ለተረት፡የማይመስል፣ለዕውን፡የሚያስፈራ፣ለግምት፡የቸገረ፡`ኣጋጣሚ`፡ከፊት፡ለፊታችን፡የተደቀነብን።የሆነው፡ስለ፡ሆነ፡እና፤መዝገብ፡የሙያ፡ግዴታዬ፡በመሆኑም፤አነሆኝ፤ገጠመኙን፡እንደሚከተለው፡ከትቤዋለሁ።ትርጉም፥የግል፣ዕምነትም፡የተጸውዖ፡ናቸው፡እና፥እንደመሰላችሁ፡ተረዱት።

ወደ፡ሠማይ፡የምናርግ፡ይመስል፥እየ፡አሻቀበ፣አያዳገተ፡የሚሄደውን፡ኾረብታማ፡ጠረጠር፥ቢሊሊል፡እንልበት፡ያዝን። የ፡ወይዘሮ፡`ዕሌኒት`፡ወግ፡እና፡ጭውውት፤ከቶም፡የሚጠገብ፡አልነበረም። `ኒኒየትየም`፡በእየ፡መሃሉ፡እየገባች፡የመሰላትን፥ማጣፈጫ፡ሃሳብ፡ጣል፡ታደርጋለች።

`ይገርምሃል፥ከጥንቶቹ፡ወርቃማ፡ከያኒዎች፡ጋር፥ግንኙነታችንን፡አላቍረጥንም።የእናቴም፤የድሮው፡ትውስታ፤ስለ፡አለ፥አንዴ፡ስልክ፡መደዋወል፡ከጀመርን፤ፈጽሞ፡ማብቅያ፡የለውም~እና፡በቀደም፡ምን፡ያጫውቱኛል፥`ያ፡አንቺ፡እጅግ፡የምታደንቂው፡ደራሲ፡እኮ፡ሞተ`ብለው፤ድንገት፡አያረዱኝ፡መሰለህ*። ስለ፡አንት፡ጽሑፍ፡ፍቺ፡እና፡ትርጉም፤በደምብ፡ያስተዋወቀኝ፡እርሱ፡ነበር`

የጠቀሰችልኝን፡ሥም፤በዝና፡እንኵን፡በአለመስማቴ፤ስገረም፥በሌላው፡በኩል፡ደግሞ፥ከሐገር፡ከወጣሁ፡በሗላ፡የተፈጠረውን፤በግጻዌ፡ተገኝቼ፡መከታተል፡በአለመቻሌ፥`ይሄስ፡ባልገረመህ*`~ብዬ፡አለፍኩት። `ዕሌኒት`ም፤የሞቀ፡ወግዋን፡ቀጠለች፡~

`አንዳድ፡አንዴ፡እማ~በህልሜ፡ሁሉ፡እየመጣ፥የቸገረኝን፡የኪነት፡ትብትብ፡ይፈታልኝ፡ነበር`፡እንደ፡አለኝ፡አስታውሳለሁ`፡አለች።
መኪና፡ነጂው፥በሚያዳምጠው፡ሁሉ፡ተመስጦ፡ውስጥ፡እንደገባ፡ያስታውቃል።

እንዲሁ፡እያልን፡ስንጕዝ፡ቆይተን፥ለኣራት፡ሰዓቱ፡መንገድ፤በመሃሉ፥ጥቂት፡እረፍት፡እንደሚያሻን፤አስቀድማ፡አሳውቃን፡ስለነበር፡~`እንግዲህ፥ይህቺ፥ከእርቀት፡የምትታያችሁ፥ትንስዬ፡መንደር፥ማረፍያችን፡ትሁን~`ዣርዳን~ሴክሬ`፡ይሏታል`፡አለች።

`ከመንደርዋ፡እንደገባን፥ከወደ፡አፋፍ፡የሚገኘውን፥ምግብ፡ቤት፡መርጠን፥መኪናችንን፤ከቅጥሩ፡አቁመን፡ወረድን። ተኾራምቶ፡የቆየው፡ተሳፍሪ፡ሁሉ፥እግር፡ማፍታታቱን፣ዙርያውን፡መቃኘቱን፡እንደ፡ጀመረ፥ወደ፡ለንደን፡ስልክ፡መደወል፡ንደሚገባኝ፡አስታውቄ፤አጠገቤ፡ከነበረው፡ኪዮስክ፡ስገባ፡~

`ይገርምሻል~ሁሌም፡እንደ፡እዚሁ፡ነው~ትንሽ፤ከከተማ፡ወጣ፡ከአለ፤የ፡`ሎንዶን`፡ጕደኞቹ፡ይናፍቁታል`፡ስትል፡እሰማታለሁ። ምነው፥`ኒኒየት`፡እንዳለችው፡ሆኖ፡በቀረ፡ነበር~ውድ፡አንባቢዬ፥እና፤ከፈተና፡በዳንኩኝ*። ምን፡ይሆናል~የሰው፡ምኞት፡ሌላ፣የሕይወት፡ተብየዋ፡ጉድ፤አካሄድ፡ሌላ*

ስልኩን፡የአነሳው፡ሰው፡~`ማን፡ልበል*`፤ሲል፤በሞጋች፡ድምጽ፡ቃና፡ጠየቀኝ
`አንተን፡ማን፡ልበል~እኔማ፡የምፈልገውን፡አውቃለሁ`፡ስል፡መለስኩኝ።
`እኔ፡ነኝ፡እኮ፡የደወልኩት`፡ብሎኝ፡አረፈ
`የት፡ብለህ፡ነው፡የደወልከው*`~ስል፡አፋጠጥኩት።
`ተመስገን~ረዳ፡እግዚ`፤ማለት፤እርስዎ፡ነዎት*`፡ሲል፡አከለበት።

በእዚሁ፡ቅጽበት፥ከአለሁበት፡ኪዎስክ፡ውጭ፥ወይዘሮ፡`ዕሌኒት`፡ስፅለፈለፍ፡እና፥ተደግፋ፤ከአግዳሚው፡ወምበር፡ላይ፡ሲያስቀምጧት፡ታየኝ።ከመጣበት፡ሳይታወቅ፥አጠገባቸው፡የቆመውን፡ሰው፡ግን፡አላውቀውም።ኣበሻ፡ለመሆኑ፡ግን፡አያጠራጥርም። የሐገርዋን፡ሰው፤በኣጋጣሚ፡አግኝታ፤የማይሆን፡ነገር፡አሰምትዋት፡ይሆናል፡በሚል፡ጥርጣሬ፥መንፈሱ፡በስልክ፡የተጠለፈውን፥የለንደን፡አናጋሪዬን፡`ይቅርታ፥አደብ፡ግዛ፡እና፥በሌላ፡ቀን፡ብንነጋገር፡ይሻላል`፡ብዬ፡ዘግቼ፤ወደ፡አርስዋ፡አመራሁ። እንግዳው፡ሰው፤ሲያየኝ፤ጎንበስ፡ብሎ፥የማሽፍ፡መሳይ፡እጅ፡እየነሳ፡~

`ምድራችን፥ታሪክ፡እና፡ድንቅ፡አያልቅባት፥ከአልጠፋ፡ስፍራ፤እዚህ፡`ሠማየ~ውድውድ`፡ስር፡አገናኘችን*`፡ሲል፥ፈጽሞ፡የተናወጸችው፡ዕሌኒት`፤ትንፋሽ፡እየ፡አጠራት፡~`ተ~ተ~መስገን~ረድዐ፡እግዚ`፡ማ~ማለት፡እኮ፡እርሱ፡ነው`፡አለችኝ።

የተውኔት፡መድረክ፡ላይ፡የሞኾስል፡ይመስል፤አሁንም፡እየተሽቆጠቆጠ፡~`በኪነትሕ፡ምናብ፥ገነትን፡ስታሳየኝ፡በመኖርህ፥እነሆ፥የመንግሥተ፡ሠማያትን፡ቁልፍ፤አንተ፡እጅ፡ነው፡ማለትን፡ስለሰማሁ፥ፍለጋ፡መጥቻለሁ*`፡ሲል፤በዚቀኛ፡ንጝግሩን፡ይራቀቅብኝ፡ቀጠለ።

ምናልባት፥መኪና፡ነጂአችን፤የተሻለ፡ማብራርያ፡ይሰጠኝ፡ይሆናል፡በሚል፤ጠጋ፡ስለው፥መኪናው፡ዙርያ፡እየተንቆራጠጠ፡~`አርፏል`፤ብለው፡የአረድዋት፥እሱን፡እኮ፡ነበር፥ድንጋጤው፡ልብዋን፡አጥወልውሏት፡ነው`፡አለኝ።

የስልኩ፡መዟዟር፡ሲደንቀኝ፤ይብሱን፡ይሄ፡ተአከለበት። `አቶ~ኣልኧዛር`፡ይሁኑ፤ወይም፤ተውኔት፡የሚወደዱ፥ከእንቅልፋቸው፡ድንገት፡የባነኑ፡ወገን፤መለየት፡ከአቅሜ፡በላይ፡እንደሆነ፡ስለገባኝ፥በሁኔታችን፡የተራበሸችውን፡`ኒኒየትዬን`ወደ፡ጎን፡ወስጄ፤ስለተፈጠረው፡ግራ፡መጋባት፡አብራራሁላት። እንደ፡ወትሮዋ፡ሁሉ፤በብልህ፡ኣንጎልዋ፥በፍጥነት፡ኣስባ፡ስታበቃ፡~`ከእዚሁ፡መንደር፤ወደ፡`ዤኒቭ`፡የሚሄድ፡አውቶቡስ፡አለ፥እሱን፡ተሳፍረን፥በግዜ፡ወደ፡ሐገራችን፡እንመልስ`፡ስትለኝ።

ድምጽ፡ሳላሰማ፤በቀጥታ፡ወደ፡መኪናው፡የጀርባ፡ኮፈን፡በመሄድ፡ሻንጣችንን፡አውጥቼ፤እጅዋን፡ይዤ፥ወደ፡ኣውቶቡስ፡ማቆምያው፡አመራን። ወይዘሮ፡`ዕሌኒ`፡እና፡ሁለቱ፡ኣበሾች፡ሲጨቃጨቁ፡ይሰማኛል። ድንጋጤው፡የአልበረደላት፥`ኒኒየት`፥`ምን፡እየተባባሉ፡ነው*`፤ስትል፡ጠየቀችኝ።

`በምን፡ቍንቍ፡እንደሆነ፡የሚያወሩት፡እኔ፡እንጃ~`፡አልኵት።
~~~*~~~